Kosova barazoi 1-1 me Bullgarinë në stadiumin Fadil Vokrri në ndeshjen e parë kualifikuese për Euro 2020.
Kombëtarja e Kosovës dominoi ndeshjen kundër Bullgarisë, por ishte e pafat dhe shpërdoroi shumë raste që në fund i kushtuan me barazim, raporton Periskopi.
Arbër Zeneli shënoi gol të mrekullueshëm për Kosovën në minutën e 62-të.
Një moment aspak i këndshëm ndodhi në minutën e 90-të ku Edon Zhegrova, futbollisti më i kritikuar për ndeshjen me Danimarkën përdor fjalë jo të duhura për shokun e skuadrës, Besar Halimin.
Në minutën e 90-të Rashica kishte një rast të mirë, por topi u kthye te Zhegrova, që kërkoi të godiste vetë nga jashtë zone, dhe jo të shërbente bashkëlojtarët e tij.
Diçka e tillë e irritoi Besar Halimin, i cili iu drejtua duke i bërtitur se pse nuk pasoi te ai, kurse Zhegrova njëherë duket se i kërkoi falje, teksa më pas thotë: “Boll bre, boll mos fol palidhje”. /Periskopi/
