Kampioni i botës në boksin profesionist Anthony Joshua, ka bërë të ditur datën se kur do të hy në ring.
Britaniku do të ndeshet me njërin Wilder, me 13 prill të viti 2019 në stadiumin Wembly të Londrës për të mbrojtur titullin që aktualisht e mban Joshua, shkruan GazetaBlic.
“Unë mezi po pres që të dueloj ndaj Wilder më 13 prill në Londër. Ky është një mesazh i qartë dhe i drejtpërdrejtë që i dërgoj atij. Nuk kam se çfarë të them tjetër”, tha Joshua.
“Unë nuk e di se çfarë mednon apo çfarë dëshiron Wilder. Po ashtu, unë nuk mund të kontrolloj atë që dëshiron, mendon apo do Tyson Fury.
Unë kontrolloj fatin tim, atë që dëshiroj unë të bëj. Unë kam bërë të mundur që negociatat të nisin me kohë, kam rezervuar kohë më parë stadiumin për këtë sfidë të madhe dhe mezi po pres të përballem me këta djem në ring, veçanërisht me Wilder, më 13 prill, në “Wembley”.
Nuk di se çfarë i pengon ata”, tha Joshua.
Joshua konfirmoi se për momentin nuk i intereson dueli me Fury. “Nuk dua Tyson, pasi ai nuk është kampioni i botës, ndërsa unë jam i tillë dhe dua të marr edhe titullin e fundit që më mungon. Janë 4 tituj kampionë në Divizionin tonë, unë kam 4 prej tyre dhe dua të pestin.
Unë dua të dueloj me kampionët. Unë këtë gjë kam bërë që kur kam nisur këtë sport, të dueloj kampionët dhe të bëhem i tillë”, tha Joshua.
