Asamblisti i Kuvendit Komunal të Drenasit, Xhavit Drenori, i cili është anëtar i Lëvizjes Vetëvendosje, ka reaguar ndaj kryetarit të partisë, Albin Kurtit, pas lënies jashtë listës për deputetë.
Në emisionin Pressing të T7, Drenori tha se Kurti e ka mashtruar duke mos iu përgjigjur mesazheve telefonike të tij.
“Unë mendova se gjithçka është në rregull. Unë kam ra total viktim e një lufte Drenas-Prishtinë, dy degëve. I thash se s’do të kandidojë, vetëm do ta ndihmojë Vetëvendosjen. Unë u tërhoqa, i shkrova Albinit, ai më tha fjalë miradie. Unë i kam thënë se du mu kandidu, ai s’më ka kthy përgjigje fare.
Ndërkaq, në një shkrim në Facebook, Drenori ka shfryrë edhe më shumë kundrejt Kurtit. E ka quajtur mashtrues.
“MASHTRUES! Mashtrimin e vitit 2017 ta bej hallall. Për mashtrimin 2019 ke hy borgj, madje kogja shumë”, ka thënë Drenori, duke iu referuar votave që ai i kishte sjell Vetëvendosjes në zgjedhjet e vitit 2017. /Lajmi.net/
