Një ditë më parë ka përfunduar afati i partive për t’i dërguar në KQZ emrat e kandidatëve për kryetar të komunave dhe asamble komunale për certifikim, transmeton “Indeksonline”.
Ajo që bie në sy është se në komunën e Skenderajt asnjë nga partitë politike nuk kanë kandiduar kandidatë për kryetar, përveç Partisë Demokratike të Kosovës.
Lëvizja Vetëvendosje, Lidhja Demokratike e Kosovës, Aleanca për Ardhmërinë e Kosovës, Nisma Socialdemokrate do të garojnë vetëm më listë për asamble, por jo edhe për kryetar.
“Indeksonline”, ka biseduar më përfaqësues të këtyre partive politike të cilët kanë dhënë se nuk duan ta sfidojnë kryetarin aktual, Bekim Jashari.
Ky i fundit ka rikandiduar si kandidat i pavarur për mandat të dytë.
Në anën tjetër, PDK garon me ish kryetarin e kësaj komune, Sami Lushtaku.
Zgjedhjet lokale do të mbahen më 17 tetor dhe pikërisht gara për kryetar në Skenderaj vlerësohet si më ndër më interesante./Indeksonline/
