Presidenti serb, ka zhvilluar një bisedë telefonike me presidentin e Komisionit Evropian, Ursula Von der Leyen.
Gjatë kësaj bisede, siç thotë Vuçiq, ata kanë folur për çështjet kyçe të marrëdhënieve ndërmjet Serbisë dhe Bashkimit Evropian, si dhe mbi përparimin e mëtejshëm të këtij vendi në rrugën evropiane.
Po ashtu, Vuçiq ka bërë të ditur se ai ka theksuar ‘’përkushtimin’’ e Serbisë për zbatimin e reformave thelbësore në fushën e sundimit të ligjit, përmirësimin e sistemit gjyqësor, dhe forcimin e pavarësisë së institucioneve.
Postimi:
Bisedë e mirë dhe e hapur me Presidenten Ursula von der Leyen mbi çështjet kyçe të marrëdhënieve ndërmjet Serbisë dhe Bashkimit Evropian, si dhe mbi përparimin e mëtejshëm të vendit tonë në rrugën evropiane.
Theksova përkushtimin e Serbisë për zbatimin e përshpejtuar të reformave thelbësore në fushën e sundimit të ligjit, përmirësimin e sistemit gjyqësor, forcimin e pavarësisë së institucioneve, si dhe zbatimin e ligjeve për mediat dhe një pakete ligjesh reformuese, në përputhje me rekomandimet e Komisionit të Venecias.
Nënvizova se Serbia vazhdon të punojë me përgjegjësi dhe përkushtim në përputhje me standardet evropiane. Me mirënjohje ndaj Presidentes von der Leyen për angazhimin e saj personal, shpreha pritjen time që bashkëpunimi me Komisionin Evropian do të vazhdojë të ofrojë mbështetje të qartë për përpjekjet reformuese dhe të përshpejtojë procesin e anëtarësimit të vendit tonë në Bashkimin Evropian.
Shkëmbyem mendime mbi sfidat aktuale rajonale dhe globale. Ritheksova se stabiliteti, bashkëpunimi dhe politika e përgjegjshme janë thelbësore për të ardhmen e Ballkanit Perëndimor dhe Evropës.
