Kryeministri i Serbisë, Aleksander Vuçiq, ka thënë të hënën se Serbinë e pret një betejë e madhe kundër anëtarësimit të Kosovës në UNESCO, porse është e gatshme ta bëjë këtë betejë, shkruan Tanjug, njofton Klan Kosova.
Vuçiq ka thënë edhe se Serbia do të bëjë përpjekje po ashtu që të pengojë Kosovën në anëtarësimin e saj në Këshillin e Europës.
Megjithatë, kryeministri serb e pranoi se në këtë organizëm europian Serbia do ta ketë të vështirë të ndikojë për mospranim të Kosovës.
