Një ngjarje e rëndë është shënuar në orët e pasdites së ditës së shtunë në perëndim të Teksasit.
Sipas mediave të huaja, përcjell Telegrafi, bëhet fjalë për një ngjarje nga e cila kanë mbetur pesë të vdekur dhe 21 të plagosur.
Siç ishte bërë e ditur një sulmues kishte hapur zjarr pasi makina e tij ishte ndaluar nga policia.
Pas kësaj, ai thuhet se kishte hapur zjarr nga makina e tij, pasi u ndoq në një parkim në një kompleks argëtimi.
Ndërkohë janë publikuar disa pamje të marra nga një dëshmitar në të cilat thuhet se shihet momenti kur policia qëllon dhe vret të dyshuarin.
Kjo ishte ngjarja e dytë me të shtëna në Teksas gjatë një muaji. Më 3 gusht një njeri i armatosur vrau 22 njerëz dhe plagosi 24 të tjerë në një Walmart në El Paso. /Telegrafi/
