Çështja e vrasjeve politike të pasluftës ka bërë që të ngriten tensione mes Ganimete Musliut të PDK-së dhe Shkëmb Manajt të LDK-së në debatin e sontëm të zhvilluar ku ishin të përfshirë edhe përfaqësues të partive tjera politike.
Ganimete Musliu nga PDK tha në Zonën Zgjedhore të Klan Kosovës se LDK nuk duhet të viktimizohet dhe të kërkojë të zbardhen vrasjet e pasluftës sa herë që vijnë fushatat zgjedhore.
Por kjo deklaratë e saj e përplasi atë me Shkëmb Manajn i cili tha se këto raste është dashur deri tani të ishin trajtuar dhe dorasit të ishin ndëshkuar, por ka pasur ndërhyrje në drejtësi.
