Viktima dhe vrasësi i dyshuar kishin shtëpitë 5 metra larg njëri tjetrit

Ramë Berisha dyshohet që e ka vrarë me armë zjarri fqinjen e parë të tij, Albesa Radi.

Indeksonline ka qëndruar sot në vendin e ngjarjes në Vitomiricë të Pejës, aty ku janë gjetur trupat e dy viktimave.

Shtëpitë e dy viktimave janë shumë afër njëra tjetrës dhe raportet mes dy familjeve thuhet se deri sot në mëngjes kanë qenë tejet të mira.

Madje, mes dy familjeve kishte edhe një lidhje familjare.

Bajram Radi, vëllau i 16 vjeçares së vdekur ka thënë se motra e tij është marrë nga fqinji rreth orës 04 të mëngjesit ndërsa është gjetur e vdekur pak orë më pas.