Më datën 9 prill të vitit 1999, u zhvillua një nga betejat më të përgjakshme të Ushtrisë Çlirimtare të Kosovës.
Në këtë betejë kur edhe u bë thyerja e kufirit shqiptaro-shqiptar morën pjesë djem trima nga të gjitha trojet shqiptare, shumica prej të cilëve sot nuk janë më.
Në mesin e tyre për lirinë e Kosovës, ka marrë pjesë edhe sot i ndjeri Beg Rizaj “KomandantBegu”, i cili është një prej viktimave të përplasjes së armatosur të ndodhur në Kumanovë më datat 9 dhe 10 maj.
Në një video të rrallë nga ajo kohë, ai tregon se është nga Deçani dhe përkundër moshës së re shprehet i vendosur të luftoj përkrah UÇK-së, transmeton InfoPress. Begu në fund i pohon gazetarit se do të shihen në Kosovën e çliruar, liri kjo që nuk mundi ta shijojë për shumë gjatë.
Ndërkohë që sot pjesëtarë të tjerë të Grupit të Kumanovës, që kishin marrë pjesë përkrah Begut në përplasjen e armatosur në Kumanovë u dënuan me burgim të përjetshëm.
