Kryetari i Parlamentit të Kosovës, Kadri Vesli ka vizituar sot familjen e dëshmorit Edmond Hoxha, një prej luftëtarëve të parë të UÇK-së.
“Me familjen e dëshmorit Edmond Hoxha, në shtëpinë e tyre në Junik, së bashku me nënën e tij, kujtuam djalin trim, i cili, 20 vjet më parë, ra për lirinë e Kosovës. Edmondi, një prej luftëtarëve të parë të UÇK-së, ditën kur u vra ishte 21 vjeç”, ka thënë Veseli.
Ai ka thënë se rënie tij ishte një humbje e madhe dhe e dhimbshme. Poashtu Veseli ka kujtuar edhe veprimtarin Xhavit Hoxha dhe dëshmorin Bedri Shala.
“Ishte humbje e madhe dhe e dhimbshme për të gjithë. E madhe është edhe krenaria për të dhe e përjetshme lavdia për gjithë brezin e lirisë. Nderim edhe për veprimtarin Xhavit Hoxha dhe dëshmorin Bedri Shala. Sot, është obligim i të gjithëve që ta ruajmë lirinë, të kemi shtet të fuqishëm dhe që të mos lejojmë cenimin e tij nga askush”, ka shtuar kryeparlamentari Veseli./Drenicapress.info/
