Deputeti i LDK-së, Anton Quni, gjatë fjalimit të tij në seancën e Kuvendit, ka drejtuar akuza të rënda ndaj kryeparlamentarit Kadri Veseli, si dhe presidentit Hashim Thaçi. Por i menjëhershëm ka qenë reagimi i kreut të PDK-së, Kadri Veseli.
Veseli ia ktheu Qunit duke i thënë se për të gjithë deklaratat që i tha në Kuvend mund të flasin edhe më vonë. Madje Veseli, deputetin e LDK-së e cilësoi edhe si profet. “… valla nuk e di se a folët si profet, apo nuk e di se çfarë. Por për këto çka fole flasim si të duash e kur të duash”, iu përgjigj Veseli deputetit Anton Quni.
Ndërkaq, pas kësaj deklarate të Veselit, kryeministri Mustafa së bashku me Anton Qunin dolën nga salla.
