Një autobus është ndaluar për kontrolle rutinë në pikëkalimin kufitar të Vërmicës, ku zyrtarët doganorë të Doganës së Kosovës, në bashkëpunim me Policinë Kufitare, kanë zbuluar mallra të padeklaruara.
Sipas njoftimit, vozitësi kishte deklaruar se nuk posedonte asnjë mall për deklarim, transmeton lajmi.net.
Megjithatë, pas dërgimit të automjetit në vijën e dytë të kontrollit, zyrtarët kanë konstatuar sasi të konsiderueshme mallrash të padeklaruara, përfshirë:
Vlera e përgjithshme e këtyre mallrave arrin në rreth 5,100 euro.
Vozitësi nuk kishte as faturë e as dokumentacion për mallrat, ndaj ndaj tij është iniciuar procedurë për kundërvajtje doganore, sipas legjislacionit në fuqi. Mallrat janë sekuestruar deri në përfundim të procedurave të mëtejshme.
Dogana e Kosovës u bën thirrje udhëtarëve dhe transportuesve të respektojnë detyrimet ligjore gjatë kalimit të kufirit dhe të deklarojnë çdo mall që posedojnë, me qëllim që të shmangen ndëshkimet dhe vonesat gjatë kontrollit./lajmi.net/
