Lëvizja Vetëvendosje ka reaguar pas vendimit të Gjykatës Supreme, i cili ia ndalon liderit të kësaj partie, Albin Kurtit kandidimin në zgjedhjet e 14 shkurtit, raporton GazetaBlic.
Në një komunikatë për medie, VV thotë se vendimi i Supremes i kundërvihej aktgjykimit të Gjykatës Kushtetuese, dhe se zgjedhjet do të mbahen më 14 shkurt.
“E pamë vendimin e fundit të Gjykatës Supreme. Ky vendim i kundërvihej aktgjykimit të Gjykatës Kushtetuese. Zgjedhjet do të mbahen më 14 shkurt, ndonëse ka përpjekje për pamundësimin e tyre. Ankesa në Gjykatën Kushtetuese do t’u jepte shpresë këtyre përpjekjeve. Lista jonë me 110 kandidatë garon në referendumin e 14 shkurtit. Vazhdojmë me aktivitetet tona drejt fitores plebishitare”, thuhet në komunikatë.
- Advertisement -
