Kryeministri i vendit, Avdullah Hoti ka thënë se situata me pandeminë COVID-19 në Kosovë është e rëndë, raporton GazetaBlic.
Në një konferncë për medie, i pari i ekzekutivit ka thënë se masat e marra para dy jave do të vazhdojnë të jenë në fuqi.
“Situata me COVID-19 është e rëndë, por është e menaxhueshme. Është rritur kapacitetet për testime. Nga fillimi i pandemisë janë testuar rreth 145 mijë qytetarë. Masat e marra më parë do të vazhdojnë të jenë në fuqi”, tha Hoti.
Kryeministri Hoti ka shtuar se masat e marra më parë, sipas tij, kanë dhënë efekt, për çka siç ka shtuar, është zvogëluar numri i rasteve të reja me virusin korona./GazetaBlic
