Ka ndërruar jetë në moshën 63-vjeçare pronari i spitalit privat grek ‘Hygeia’. Biznesmeni i njohur grek Andreas Vgenopoulos pësoi atak kardiak ditën e shtunë në orën 03:00 të natës, ndërsa është një prej sipërmarrësve më të njohur në shtetin grek.
Vgenopoulos u akuzua si njeriu që shkaktoi krizën bankare në Qipro në vitin 2012 si dhe për praktikat korruptive të kreditimit.
63-vjeçari është pronar i shumë bizneseve në Greqi. Kështu, Vgenopoulos zotëron bankën ‘Marfin Popular Bank’, një firmë udhëtimi të anijeve, kompaninë më të madhe të ushqimeve në Greqi, spitalin Hygeia dhe një pjesë të aksioneve të skuadrës së futbollit Panathinaikos etj./SYRI.net/
Njoftimi i Bordit të Drejtorëve të Marfin Investment Group
Të dashur kolegë, Me pikëllim te thellë Bordi i Drejtorëve të Marfin Investment Group u informua për largimin nga jeta të themeluesit të grupit Andreas Vgenopoulos, si pasojë e një arresti kardiak. Andreas Vgenopoulos, lindi ne Athinë më 1953, mbaroi studimet në Fakultetin e Drejtësisë në Athinë dhe ishte themeluesi i Studios Ligjore “Vgenopoulos and Associates”.
Prej vitit 1998 u angazhua në fushën e investimeve dhe bankave duke krijuar grupin më të madh të biznesit në Greqi. Andreas Vgenopoulous, ishte atletë i shquar në sportin e Skermës, Kampion i Greqisë i dekoruar nga kompeticione internacionale dhe anëtar i delegacionit grek në Lojërat Olimpike të Mynihut ne vitin 1972. Duke respektuar dëshirën e familjarëve, funerali do të realizohet në rreth të ngushtë familjar.
