Janë numëruar deri në orën 20.20, 77.38 për qind e kutive të qendrave të votimit dhe nga rezultatet e deritanishme në rang vendi Partia Socialiste kryeson bindshëm me 73 mandate deputetësh.
Pas kalimit të mesditës Partia Demokratike ka shënuar një rritje votash, kryesisht në Tiranë.
Në të gjithë qarqet e vendit PS prin ndjeshëm, me përjashtim të Kukësit ku dominojnë demokratët.
Në rang kombëtar deri tani janë numëruar 4149 kuti votimi nga 5362 që janë në total.
Bazuar në këto rezultate PS merr 73 mandate deputetësh.
Ndërkohë Partia Demokratike merr 44 deputetë, Lëvizja Socialiste për Integrim 19, PDIU e Shpëtim Idrizit 4 mandate dhe Partia Social Demokrate një mandat.
Rezultatet e votave deri në 20.20
PS – 581.114 vota ose 48,26% / 73 deputetë
PD – 348.643 vota ose 28.95% / 43 deputetë
LSI – 172.389 vota ose 14,32% / 19 deputetë
PDIU – 59.881 vota ose 4,97% / 4 deputetë
PSD – 9.438 vota ose 0.78% / 1 deputet
