Tre persona kanë pësuar lëndime trupore pas një incidenti të ndodhur në orët e para të mëngjesit në fshatin Mazgit të komunës së Obiliqit.
Sipas raportit policor, ngjarja ka ndodhur më 25 qershor, rreth orës 02:25, pas një mosmarrëveshjeje mes viktimave dhe tre personave të dyshuar, transmeton lajmi.net.
Dyshohet se tre viktimat, të gjithë meshkuj kosovarë, janë sulmuar fizikisht nga tre persona të tjerë po ashtu kosovarë, të cilët më pas u kanë dëmtuar edhe automjetin.
Viktimat kanë marrë trajtim mjekësor, ndërsa gjendja e tyre nuk është bërë e ditur më tej.
Ndërkohë, të dyshuarit janë në kërkim nga policia dhe rasti po hetohet nga organet kompetente./lajmi.net/
- Advertisement -
