Tragjike/ Goditja fatale, boksierja 18 vjeçare ndërron jetë pas pesë ditësh në koma

Bota e boksit ka marr një lajm tragjik ditën e sotme. Sportistja 18 vjeçare Zhanet Zakarias Zapata ka ndërruar jetë nga plagët në një duel para pesë ditësh.

Boksierja meksikane ishte pjesëmarrëse në eventin GVM Gala në Montreal që u mbajt para pesë ditësh dhe shorti i rezervoi një përballje me Marie Pier Hul.

Një goditje e fuqishme me të djathtën nga Pier Hul në raundin e 4-rt e hodhi Zapatan në dysheme. 18 vjeçarja fillimisht u ngrit, por më pas mbeti e shtrirë në ring.

I menjëhershëm ishte reagimi i mjekëve që i dhanë ndihmën e shpejtë 18-vjeçares dhe e nisën drejt spitalit ku ka ndërruar jetë pas 5 ditësh.