Tollovi në QKUK, pacientët nuk respektojnë masat anti-COVID (Foto)

Një numër i madh i pacientëve është parë sot në objektin e ambulancave specialistike të QKUK-së.

Nga atje, lexuesit e “Zërit” kanë dërguar fotografi ku shihet një numër i madh i njerëzve të cilët nuk respektojnë masat anti-COVID-19 të Ministrisë së Shëndetësisë.

Në anën tjetër vetëm gjatë 24-orëve të fundit, policia ka shqiptuar rreth 1000 gjoba për ata që nuk kanë respektuar ligjin anti-COVID, ndërsa nga sot kanë hyrë në fuqi edhe disa masa të reja të cilat Qeveria i ka miratuar të dielën mbrëma.