Ka nisur grumbullimi i protestuesve në sheshin “Skënderbej” për protestën e 28-të kombëtare kundër kryeministrit Edi Rama.
Tubimit të kësaj të shtune i janë bashkuar shumë emigrantë të ardhur nga vende të ndryshme.
Ndërkohë që pritet që qytetarët të marshojnë drejt godinës së Kryeministrisë, aty ku do të mbajnë fjalime.
Gjatë grumbullimit në shesh një emigrant i ardhur nga Italia denoncoi publikisht humbjen e pronave të tij dhe mbylljen e dyerve nga institucionet e drejtësisë.
Ai theksoi se pronat e tij janë tjetërsuar dhe asnjë institucion nuk po merr përgjegjësi për të zgjidhur çështjen.
Në protestë ka prani të mediave e gazetarëve të huaj, teksa edhe një numër eurodeputetësh kanë paralajmëruar se do të jenë të pranishëm.
- Advertisement -
