Presidenti i Kosovës, Hashim Thaçi, ka ripërsëritur edhe njëherë se Gjykata Speciale është një padrejtësi historike qe i është bërë Kosovës. “Unë kam deklaruar edhe kur është themeluar.
Kam theksuar se është një padrejtësi historike që po ndodh, por kemi vepruar”, ka deklaruar Thaçi, raporton zeri.info. I pyetur rreth peticionit që është bërë për ndryshimin e ligjit per Specialen, presidenti ka thënë se këto iniciativa nuk janë të varura nga politika.
“Iniciativat e tilla janë të pavarura, pa asnjë ndikim nga institucionet. Parlamenti është ai qe ka vendosur për themelim”, ka shtuar ai. Nderkohë, ka thënë se ai nuk ka qenë ideator i kësaj gjykate. “Unë nuk jam ideator i themelimit të Gjykatës Speciale, ideator ka qenë raporti i Dick Martyt”, ka shtuar ai.
