Thaçi e Haradinaj bëhen bashkë prapë

Presidenti i Kosovës, Hashim Thaçi, dhe kryeministri i vendit, Ramush Haradinaj, janë bërë bashkë për herë të dytë, të dielën.

Pasi festuan bashkë, në Gjakovë, me rastin e Pashkëve, ata u panë pranë njëri-tjetrit edhe në një pritje të organizuar për këtë festë nga Ipeshkvia e Kosovës, në Prishtinë.

Thaçi e Haradinaj janë parë në mbrëmjen e së dielës duke shtrënguar duart me njëri-tjetrin, teksa pranë tyre shihej edhe ministri i Infrastrukturës, Pal Lekaj.