Nuk është pritur të jetë një ndeshje kaq e lehtë për Juventusin në Signal Iduna Park. Juventus arriti të kualifikohet në çerekfinale të Ligës së Kampionëve, pasi mposhti 0:3 Dortmundin. Ndeshja e parë në Itali, i pati takuar skuadrës së Allegrit, me rezultat 2:1.
Skuadra kampione e Italisë, zhvilloi një ndeshje të mirë dhe ishte shumë më e vendosur të fitonte se sa lojtarët e Dortmundit.
Heroi i Juves në këtë fitore, padyshim ishte sulmuesi Carlos Tevez, që shënoi dy gola, dhe bëri një asistim.
Tevez shënoi që në minutën e 3’, një super gol, ndërsa me rezultat 0:1, përfundoi pjesa e parë.
Golin e dytë e shënoi Morata në minutën e 70’, që dyfishoi epërsinë, ndërsa Tevez në minutën e 79’, trefishoi rezultatin, për një fitore të madhe./Drenica Press/
