Një rast shumë i rëndë ka ndodhur mbrëmë në QKMF në Suharekë.
Një fëmijë i gjinisë femërore i moshës rreth 8 vjeçare nga fshati Greiçevcë i Suharekës, është dërguar në Emergjencën e Suharekës pa shenja jete.
Lajmin e ka konfimuar zëdhënësi i Policisë në rajonin e Prizrenit, Shaqir Bytyqi.
“Me datën 14.12.2025, rreth orës 21:50 nga QKMF-Suharekë është raportuar se një fëmijë i gjinisë femërore rreth 8-vjeçare, nga fshati Greiçevcë, Suharekë është sjellë në repartin e Urgjencës pa shenja jete. Patrullat policore dhe hetuesit policor kanë dalë në vendin e ngjarjes dhe janë informuar nga mjeku kujdestar se fëmija, në momentin e pranimit në Urgjencë, nuk ka pasur shenja jete”, ka thënë Bytyqi për lajmi.net.
Ai ka thënë se për rastin është njoftuar Prokurori për Krime të Rënda dhe është inicuar rasti si “hetim i vdekjes”
“Trupi i pajetë, me urdhër të Prokurorit kompetent, është dërguar për obduksion”, ka shtuar Bytyqi.
