Tetë asistentë të fakulteteve i bashkohen PDK’së

Lideri i Partisë Demokratike të Kosovës, Kadri Veseli nëpërmes një postimi në Facebook ka bërë të ditur se tetë asistentë të fakulteteve të ndryshme i janë bashkuar subjektit politik që ai drejton.

Ky është postimi i plotë i tij:

Tetë asistentë të fakulteteve të ndryshme, aktualisht kandidatë të doktoraturës, u bënë pjesë e Partisë Demokratike të Kosovës. Ne jemi besim dhe shpresë për çdo të ri, sepse gjithmonë u japim hapësirë të rinjve.

Besimi në Partinë Demokratike të Kosovës është gjithëpopullor dhe i tillë është edhe angazhimi ynë për një Kosovë të drejtë dhe të dinjitetshme, pa korrupsion dhe nepotizëm, të zhvilluar dhe me mundësi të reja për rininë tonë.