- Advertisement -
Agjencia turke për Menaxhimin e Katastrofave dhe Emergjencave (AFAD) njoftoi se është rritur në 105 numri i personave që kanë humbur jetën nga tërmeti në Izmir, transmeton Anadolu Agency (AA).
- Advertisement -
Në një deklaratë nga AFAD thuhet se 144 persona ende po trajtohen në spitale ndërsa 883 janë trajtuar dhe lëshuar në shtëpi.
Nga AFAD bëjnë të ditur se pas tërmetit 6.6 ballë që goditi më 30 tetor qytetin e Izmirit, janë regjistruar 1.508 paslëkundje, prej të cilave 44 më të forta se 4 ballë.
Turqia është ndër zonat sizmike më aktive në botë ndërsa ka pësuar tërmete shkatërruese edhe në të kaluarën, duke përfshirë edhe tërmetin 7.6 ballësh të vitit 1999 në Marmara.
- Advertisement -
