Një tërmet me magnitudë 6,8 ballë ka goditur provincën Maluku të Indonezisë, transmeton Anadolu Agency (AA).
Instituti i Meteorologjisë, Klimatologjisë dhe Gjeofizikës në Indonezi bëri të ditur se tërmeti ka ndodhur 40 kilometra në verilindje të qytetit Ambon, në thellësi prej 10 kilometrash.
Sipas të dhënave të para, tërmeti nuk ka shkaktuar të vdekur, ndërkohë që autoritetet nuk kanë bërë paralajmërim për cunami të mundshëm.
Ndryshe, një tërmet prej 6,4 ballësh ndodhi më 22 shtator në rajonin Saumlaki në provincën e njëjtë.
Ndërkaq, gjashtë persona kishin humbur jetën nga tërmeti prej 7,3 ballësh që goditi rajonin Ternate në Maluku më 14 korrik.
- Advertisement -
