- Advertisement -
Të paktën tetë persona kanë humbur jetën dhe 12 të tjerë janë plagosur si pasojë e të shtënave me armë zjarri në një sinagogë të komunitetit hebre në Pitsburg të Shteteve të Bashkuara.
Sipas Euronews, mes viktimave raportohet se tre janë oficerë policie.
- Advertisement -
Autoritetet i bëjnë thirrje personave rreth vendit ku ndodhi ngjarja që të qëndrojnë nëpër shtëpi. Ndërkohë autori fillimisht u raportua se ishte i lirë, por më pas policia tha se ai është dorëzuar dhe ndodhet në ambientet e paraburgimit.
Presidenti amerikan, Donald Trump në një reagim në twitter thotë se po ndjek me vëmendjen situatën e krijuar në Pitsburg.
“Duke ndjekur ngjarjen në Pitsburg, Pensilvani. Zbatimi i ligjit në vendngjarje. Njerëzit në zonën e Squirrel Hill duhet të mbeten të strehuar. Duket se ka shumë viktima. Zoti bekoftë të gjithë”, shkruan Trump.
- Advertisement -
