Trajneri i Tottenham Hotspur, Mauricio Pochettino thotë se do të duhej të ishte i çmendur të mos luante me Harry Kane kundër Interit.
Sulmuesi anglez nuk është në formën më të mirë në këtë fillim të sezonit, pasi ka shënuar vetëm dy herë në 10 ndeshjet e fundit për klubin dhe kombëtaren, shkruan GazetaBlic.
“Mendoj se do të ishim të çmendur të mendonim ndryshe. Po, Kane do të luajë” tha Pochettino për Sky Sports UK kur u pyet nëse do të startonte me Kane në San Siro.
“Unë nuk e di se çfarë prisni prej meje, apo çfarë mendoni se përgjigja ime duhet të jetë. Ai është një nga sulmuesit më të mirë në botë.”
“Ai do të shënojë gola dhe ai do të kryejë punën në mënyrën që duam dhe ne presim. Nuk ka problem”, përfundoi Pochettino.
Vlen të theksohet se Tottenhami do të takohet me Interin neser, duke filluar nga ora 18:55. /CNA.al
