Sonte në media është raportuar se 10 deputetë të Vetëvendosjes e kanë dërguar këtë javë në administratën e Kuvendit kërkesën për krijimin e një grupi të ri parlamentar.
Periskopi ka kontaktuar me deputetët Faton Topallin dhe Fisnik Ismailin, të cilët kanë thënë se nuk kanë njohuri për këtë gjë.
‘Mund të jetë e mundshme, por unë nuk kam njohuri për këtë gjë’, ka thënë Topalli për Periskopin.
Ndërsa Ismaili deklaroi se ka tri javë që nuk ka shkuar në Kuvend dhe se nuk ka ende informatë.
‘S’kam informatë, është dashtë me nënshkru, por unë s’kam shku në Kuvend qe tri javë’’, ishte përgjigja e deputetit Ismaili.
Lista e deputetëve që thuhet se kanë bërë kërkesën për këtë gjë janë:
- Visar Ymeri
- Dardan Molliqaj
- Dardan Sejdiu
- Dukagjin Gorani
- Aida Dërguti
- Shqipe Pantina
- Faton Topalli
- Fisnik Ismaili
- Driton Caushi
- Donika Kadaj
