Së paku 11 persona, shumica studentë, kanë humbur jetën gjatë sulmit të kryer në kampusin studentor në Fakultetin e Bujqësisë në Peshawar të Pakistanit, raporton Anadolu Agency (AA).
Mediat lokale theksojnë se katër sulmues, duke u fshehur nën burka, hynë në kompleksin e Universitetit, duke hapur zjarr, ndërsa 37 persona u plagosën.
Përleshja mes sulmuesve dhe pjesëtarëve të forcave të sigurisë, të cilët mbërritën në vendin e ngjarjes, zgjati rreth dy orë. Janë neutralizuar të gjithë sulmuesit. Përgjegjësinë për sulmin e morën talebanët pakistanez.
