Në një faqe në rrjetin social facebook, Shqetësimet e Qytetarëve të Drenasit, shumë qytetarë të komunës së Drenasit, po i shprehin dhe po i bëjnë publike shqetësimet e tyre lidhur me disa shërbime të cilat janë të obliguar t’i kryejnë shërbyesit civil.
Një pakënaqësi e tillë është publikuar sot nga një qytetarë i cili ka realizuar edhe dy foto ku shpreh pakënaqësinë e tij me mos respektimin e orarit të punës nga punonjësit e Qendrës së Mjekësisë Familjarë “Dr. Hafir Shala” në Drenas.
Sipas po këtij burimi, fotot u realizuan në ora 17:23 PM, edhe pse orari i punës për ndërrimin e II-të shkruan se duhet të punoj deri në ora 19:00, askush prej stafit shëndetësorë nuk ndodhej në repartin e Stomatologjisë të QKMF “Dr. Hafir Shala” në Drenas. /drenicapress/
