Stadiumi “Bajram Aliu” në Skenderaj prej sezonit të ri do të marrë një pamje të re.
Kryesia e KF Drenicës ka filluar që në pjesën perëndimore të vendos stola, për t’u ofruar kushte më të mira tifozëve të saj.
Një pjesë e ulëseve të stadiumit legjendar të Suedisë “Rasunda”, kanë nisur të montohen në shkallët e stadiumit të Skenderajt “Bajram Aliu”, tre vjet e gjysmë pasi ato dhe shumë pajisje të tjera iu bën dhuratë Kosovës, me shumë bujë.
Pas rrënimit të stadiumit “Rasunda” në fund të vitit 2012, pajisjet që mund të shfrytëzoheshin u sollën në Kosovë në fillim të vitit 2013 dhe nga atëherë, disa janë ndarë për klubet e disa janë mbajtur nëpër magazina të ndryshme.
