Specialisti i Infektologjisë: Vaksinohuni, është e vetmja formë për ta mposhtur virusin!

Specialistët e repartit të Infektivës vazhdojnë të bëjnë thirrje pro-vaksinim.

Një thirrje të tillë së fundi e bëri edhe infektologu i njohur, Sali Ahmeti.

Ahmeti përmes një video-adresimi ka ftuar qytetarët e Kosovës që vaksinohen, si e vetmja formë për të korrur fitore ndaj koronavirusit.

Ai tha se të dyja vaksinat që u ofrohen banorëve të vendit, qoftë Pfizer, qoftë AstraZeneca, janë të aprovuara nga institucionet mjekësore ndërkombëtare dhe janë të sigurta.