Kandidati i Lidhjes Demokratike të Kosovës (LDK), Sokol Havolli, po renditet me 694 vota në kuadër të numërimit të deritanishëm të zgjedhjeve parlamentare, duke e vënë atë në pozitë të pasigurt për sigurimin e një ulëseje në Kuvendin e Kosovës.
Sipas rezultateve aktuale, Havolli mbetet larg kandidatëve të tjerë brenda listës së LDK-së që kanë siguruar numër më të lartë votash, çka e bën të vështirë përfshirjen e tij në përbërjen e ardhshme parlamentare, në varësi të përfundimit të numërimit.
Havolli ka qenë më herët edhe pjesë e ekzekutivit lokal, ku në shkurt ishte emëruar drejtor i Investimeve Kapitale në Kryeqytet, ndërsa në muajin maj është shkarkuar nga kjo pozitë.
Procesi i numërimit të votave po vazhdon në Qendrat Komunale të Numërimit, ndërsa rezultatet përfundimtare pritet të përcaktojnë përbërjen e re të Kuvendit të Kosovës. /Lajmi.net/
