Familjarët e të masakruarve të Rezallës së Skenderajt pritet që sot përmes avokatit Arianit Koci të dorëzojnë kallëzimin penal në Prokurorinë Speciale ndaj ushtrisë,policisë dhe paramilitarëve serbë të asaj kohe.
Avokati Koci ka konfirmuar për “Indeksonline” se sot në ora 11:00 pritet që të dorëzohet në Prokurori padia e iniciuar nga disa familjarë.
Ndryshe, para 16 viteve forcat e Serbisë kryen masakër mbi popullatën civile në Rezallë të Skenderajt ku u vranë afro 100 persona.
Familjarët disa herë kanë përsëritur se kjo është një dëshmi se bashkësia ndërkombëtare do të duhej të bënte Gjykatë Speciale për Serbinë dhe jo për Kosovën.
