Nënkryetari i Komunës së Skenderajt Fadil Nura sot ka vizituar fshatin Morinë të Skenderajt me qëllim të inspektimit të punimeve në rrugët e lagjes Hoti të këtij fshati.
Realizimi i projektit të ndërtimit të rrugëve të lagjeve në fshatin Morinë ka filluar dhe do të përfshijë të gjitha rrugët e lagjeve Hoti dhe Mëziu. Derisa në rrugët e lagjes Hoti tashmë ka filluar puna, në lagjen Mëziu punimet do të nisin brenda 2-3 ditësh.
Z. Nura në lidhje me projektet që po realizonhen në Morinë tha se Komuna e Skenderajt përveç në rrugët e lagjeve, në Morinë do të investojë edhe në renovimin e objektit të shkollës së fshatit, projekt ky që do të nisë shumë shpejt, si dhe në projektin e tubit kryesor të furnizimit me ujë të pijshëm.
- Advertisement -
