Raste të shtimit me armë në ambiente të hapura nuk janë të pazakonshme ne Kosovë. Jo rrallë herë është raportuar për plagosje, por ka pas raste kur ngjarja ka përfunduar edhe me fatalitet.
Një rast është raportuar edhe mbrëmë në fshatin Shtutcië të Drenasit, fatmirësisht nga e gjithë kjo ka vetëm dëme materiale, njofton drenicapress.info
Policia e Kosovës ka njoftuar se në orët e vona të mbrëmjes se djeshme një mashkull K/Shqiptar ka informuar se nga një plumb qorr, është goditur parafango e veturës së tij e cila ishte e parkuar. Njësit policore kanë dalur në vend të ngjarjes dhe janë duke hetuar rastin. /Drenica Press/
