Kryetari i Partisë Socialdemokrate (PSD), Shpend Ahmeti ka folur rreth largimit të tij dhe anëtarëve tjerë nga Lëvizja Vetëvendosje.
Në emisionin Pressing në T7, Ahmeti ka thënë se nga VV-ja është larguar bërthama e saj. Dhe sipas tij ky largim ka ndodhur për shkak të mospajtimeve brenda partisë.
“Lëvizjen e kanë lëshuar 12 deputetë dhe krejt sekretariati që ishte pika kyçe e organizimit të saj, apo bërthama. Po ashtu janë larguar dy kryetar komunash nga tre sa kanë qenë gjithsej. Nuk ka qenë qëllimi me dëmtu askënd, por vetëm kemi pasur mospajtime. Nuk ka ndonjë interes përveç asaj se si duhet të duket partia. Ne kemi menduar se nuk duhet të jetë vetëm një person që udhëheq të gjitha subjektin. Unë vendosa të largohem kur filloi përçarja e madhe”, ka thënë Ahmeti.
