Gjatë ditës së sotme thuajse në të gjitha shkollat e Kosovës është shënuar festa e “28 Nëntorit” ani pse sot nuk është data e 28 nëntorit.
Por një festim krejt të veçantë të festës së flamurit ka bërë shkolla profesionale në Skenderaj “Qendra e Kompetencës”, transmeton Drenica Press.
Kjo shkollë ka festuar festën e flamurit në mënyrën më të veçantë në tërë shkollat e Kosovës, pasi nxënësit e kësaj shkolle kanë krijuar një ekspozitë me veshje kombëtare të punuara nga duart e tyre dhe një ekspozitë me piktura të punuara nga nxënësit e shkollës profesionale.
Profesoresha e kësaj shkolle në lëndën e Dizajn Mode, Marigona Lushtaku tha për portalin Drenica Press “se gjitha veshjet dhe konfeksionet janë punuar nga duart e nxënësve, duke bërë që këta nxënës në vitet të ardhmshme mund t’i shohim si dizenjator shumë të suksesshëm”, përfundoj Lushtaku për Drenica Press.
Shkolla profesionale në Skenderaj zhvillon një proces të veçantë mësimor, ku njohurit teorike i zbaton në praktikë./drenicapress/
