Një video shokuese e publikuar së fundmi në internet, shfaq momentin kur një i burrë nxjerr një grua nga vetura që po digjej pasi ishte përfshirë në një aksident zinxhiror, ku ishin përplasur 10 vetura.
Videoja në fillim shfaq momentin, kur një kamion përplaset me vetura në autostradën Route 16 në Binghamton të Nju Jorkut, transmeton Telegrafi.
Një veturë shihet duke qëndruar e përplasur për murin që ndanë korsitë, por që është e përfshirë nga flaka. Më pas shihen disa shoferë duke vrapuar në drejtim të veturës që po digjej, duke u munduar që përmes dritares ta nxjerrin jashtë gruan që ishte pranë timonit.
Kalimtarët e rastit për asnjë moment nuk hezituan të rrezikojnë jetën, vetëm dhe vetëm që të shpëtojnë gruan që kishte ngecur brenda veturës që po digjej.
Lidhur me këtë lajm ka reaguar edhe kryetari i komunës së Binghamton, David Rich, i cili ka shpërndarë videon në Facebook, ku lavdëron qytetarët që treguan trimërinë për të shpëtuar gruan. /Telegrafi/
