PPNEA (Protection and Preservation of Natural Environment in Albania) punon intensivisht për evidentimin e vlerave të biodiversitetit në Shqipëri.
Në Ditën Botërore të Biodiversitetit, krahas aktiviteteve të shumta, PPNEA çdo vit zhvillon sezonin e monitorimit të faunës në kuadër të Programit për Rimëkëmbjen e Rrëqebullit të Ballkanit; monitorim që nxjerr në pah pasuritë faunistike tona përmes vëzhgimeve me kamera-kurth.
“Edhe këtë vit njoftojmë mbi mbylljen e këtij sezoni, të zhvilluar në rajonet malore të Pukës dhe Mirditës, dhe kemi kënaqësinë të ndajmë me ju disa nga fotot më interesante të nxjerra nga kamerat-kurth”, njofton PPNEA.