Zyrtarët e klubit nga Drenasi aq shumë iu rrinë gati futbollistëve, saqë shpeshherë edhe para kohës i kryejnë obligimet ndaj lojtarëve dhe stafit.
Pikërisht, sot gjatë ditës do të kryhen pagat e muajit dhjetor për të gjithë ata që janë pjesë e ‘Niklit’.
Një gjë të tillë i ka pohuar për Infokusi.com, Presidenti i Feronikelit, Ekrem Elshani.
“Sot gjatë ditës të gjithë futbollistëve dhe stafit të Feronikleit do t’iu dalin pagat e dhjetorit. Kësaj radhe po i kryejmë më herët për shkak të festës së vitit të ri”, ka thënë Elshani.
Ndryshe, Feronikeli në tri vitet e fundit është klubi më i organizuar në Kosovë, sidomos sa i përket anës financiare.
E përderisa ‘Nikli’ po i kryen obligimet më herë, shumë klube ende nuk e kanë bërë një gjë të tillë dhe kjo është shqetësuese.
