ShBA i shet Emirateve të Bashkuara Arabe raketa me vlerë 2 miliardë $

ShBA-ja do ti shesë aleatëve të saj të Gjirit, Emirateve të Bashkuara Arabe (EBA), 160 raketa të tipit Patriot për një vlerë prej dy miliardë dollarësh, njoftoi të enjten Departamenti i Mbrojtjes.

“Ashtu si për çdo kontratë tregtare për shitjen e armëve nga Uashingtoni, është Departamenti i Shtetit që miraton shitjen e mundshme të këtyre 160 raketave për Emiratet e Bashkuara Arabe dhe Departamenti i Mbrojtjes që ka informuar për këtë Kongresin, që teorikisht mund të kundërshtojë”, theksoi Pentagoni në një komunikatë.

“Kjo kontratë për armatimin do të kontribuojë për politikën e huaj dhe sigurinë kombëtare të ShBA-së duke riforcuar sigurinë e një aleati të rëndësishëm që ka qenë dhe vazhdon të jetë një forcë për stabilitetin politik dhe progresin ekonomik në Lindjen e Mesme”, shkruan Uashingtoni. /trt/