Sekretari i përgjithshëm i Komitetit Ndërkombëtar të Lojërave Mesdhetare (ICMG), Iakovos Filippoussis, i shoqëruar nga drejtuesit e KOK-ut, presidenti Ismet Krasniqi, sekretari i përgjithshëm, Besim Aliti dhe nënpresidenti Milaim Kelmendi, u pritën nga ministri i ri për Sport dhe Rini, Blerim Gashjani dhe zëvendësministrja Daulina Osmani.
Sekretari Filippoussis ndodhet në Kosovë për takimin e komisionit të ICMG-së “Gratë në Sport”.
Palët biseduan për organizimin e Lojërave Mesdhetare Prishtina 2030, për çka ministri Gashjani shprehu vullnetin dhe gatishmërinë për të për bashkëpunim me ICMG dhe palët tjera të interesit, në mënyrë që Kosova të bëhet shembull i organizimit të një ngjarje të tillë.
Sekretari Filippoussis, duke përgëzuar ministrin Gashjani për pozitën, kërkoi përkushtimin e MKRS për proceset që na presin në organizimin e këtyre Lojërave, duke e cilësuar si ngjarjen më të madhe të organizuar ndonjëherë në vendin tonë.
Presidenti i KOK-ut, Ismet Krasniqi, theksoi se na duhet unitet dhe bashkëpunim i të gjithëve në mënyrë që procesi i organizimit të ecën me hapa të shpejtë, për të qenë gati për vitin 2030.
