Kryetari i Sindikatës së Arsimit(SBASHK), Rrahman Jashari, e ka konfirmuar për Insajderin se procesi mësimor do të fillojë të hënë, më 2 shtator.
“Në bazë të situatës aktuale, mësimi do të fillojë më 2 shtator të hënën por çështja mbetet në pikëpyetje në Kamenicë. Kolegët atje kanë sjellur vendim që do të shkojnë në shkollat e tyre por nëqoftëse pengohen me masa të caktuara, atëherë Kamenica me 3 shtator do të bëjë një grevë dy orëshe dhe pastaj Këshilli Drejtues i SBASHK-ut do të mblidhet për të vendosur se në cilen formë do të solidarizohemi me ta”, ka thënë Jashari për Gazetën Insajderi.
I pyetur se a është Ministria e Arsimit e njoftuar për grevën e mundshme, kryetari i SBASHK-ut ka thënë se kjo çështje është diskutuar edhe me zyrtarë të MASHT-it.
