Rreth 60 aeroplanë pritet të aterojnë sot në Aeroportin e Prishtinës, nis fluksi i madh i mërgimtarëve

Aeroporti Ndërkombëtar “Adem Jashari” në Prishtinë pritet të përballet sot me një fluks të madh udhëtarësh, pasi rreth 60 aeroplanë do të aterojnë gjatë ditës.

Sipas informacioneve që ka siguruar IndeksOnline, fluturimet do të vijnë nga vende të ndryshme të botës, ndërsa numri më i madh i tyre pritet të jetë nga Zvicra, Gjermania dhe Turqia.

Shumë mërgimtarë kanë nisur të kthehen në Kosovë për të kaluar pushimet verore në vendlindje, ndërsa në mesin e udhëtarëve ka edhe vizitorë të huaj.