Në pikë të ditës, 7 persona i kanë qëruar hesapet në mes vete në një vend publik.
Ata janë rrahur në mes vete në Prishtinë, saktësisht te një fotokopje tek lokalet e “Lesnës”.
Lajmin e ka konfirmuar për Reporteri.net Flora Ahmeti zëdhënëse e Policisë së Kosovës.
“Sot rreth orës 13:00, kemi pranuar informatën për një përleshje në mes të disa personave në rrugën “Eqrem Çabej” në Prishtinë. Si pasojë e përleshjes, ku janë përdorur dhe mjete të forta, tre persona kanë pësuar lëndime të lehta trupore. Lidhur me këtë ngjarje policia ka shoqëruar në stacion policor tre persona”, ka thënë Ahmeti, shkruan Reporteri.net.
Ajo thotë se me rastin po merren njësitet kompetente të stacionit Jugu në Prishtine. /Reporteri.net/
