Dje në Podujevë ka ndodhur një rrahje mes katër personave, aty ka pasur edhe të shtëna me armë zjarrësh, tha policia, raporton Sinjali.
Sipas raportit 24 orësh të PK-së, nga të shtënat me armë zjarri nuk është lënduar askush. Mirëpo për shkak të përdorimit të mjeteve të forta gjatë përleshjes janë lënduar dy persona.
Të dyshuarit kanë ikur nga vendi i ngjarjes dhe policia nuk i ka gjetur as në shtëpitë e tyre.
“Dy viktimat meshkuj kanë raportuar se janë sulmuar me mjete të forta nga dy te dyshuar meshkuj e më pas njëri nga të dyshuarit ka shtënë dy herë me armë zjarri në drejtim të viktimave, por nuk ka pasur të lënduar nga predha. Viktimat pas tretmanit mjekësor në QKMF Podujevë janë dërguar për në QKUK-së për trajtim të mëtutjeshëm. Në vendin e ngjarjes janë gjetur dhe konfiskuar një shufër metalike, një gëzhojë e kalibrit 7.62 mm dhe një zinxhir fyti prej ari. Ndërsa të dyshuarit nga njësitë policore janë kërkuar në adresën e tyre të banimit por nuk kanë qenë prezent në shtëpinë e tyre. Rasti është duke u hetuar”, tha policia, transmeton Sinjali.
